Irrintzi Dantza Taldea (Zumarraga - Urretxu) - Bloga/Blog

Irrintzik 2012 urteko Jaialdia Erromerian ospatuko du

Thu, 26 Apr 2012 08:38:42 -0800

Hilabete batzuk damazki Irrintzi Dantza Taldeak 2012ko urteko Jaialdia prestatzen.

Azken urteetan musika, dantza eta jantzi berritzaile eta indartsuak jaialdian zein dantza taldean txertatzeko ahalegin berezia egin du taldeak, eta aurtengoan ere, halaxe ari da.
Hain zuzen ere, Erromeria izango da aurtengo jaialdiaren gai nagusia, haur, gazte eta helduek parte hartuko duten erromeria herrikoia, eta musika, jantzi eta dantza ugariz bete-bete egongo dena. Jaialdiaren inguruko zehaztasun gehiago

Honela, datorren larunbatean, apirilaren 28an, arratsaldeko 19.30etan hasiera emango diogu taldearen urteko jaialdiari, Zumarragako Zelai-Arizti Zinemako areto nagusian.

Guztiak zaudete gonbidatuta!!! Eta gogoratu sarrerak egunean bertan 18.30ak aldera eskura ahalko dituzuela zineko lehiatilan!!! (pertsonako gehienez 4 sarrera izango dira eta beti bezala, doakoak).

Eskerrik asko eta animatu lagunok!

Zumarragako Txistu Alardea 2011 ospatuko da bihar

Fri, 16 Dec 2011 00:00:53 -0800

Abenduak 17an, arratsaldeko 19.30etan hasita, Zumarragako Txistulari taldeak urteroko jaialdia aurkeztuko du Zumarragako Beloki Pilotalekuan.

Asko dira ekitaldi polit honetan parte hartuko duten musika, dantza eta kultura elkarteak, eta halaxe egingo du Irrintzi Dantza Taldeak ere.

Gure aldetik alardeaz gozatzera gonbidatzen zaituztegu, eta ezin baduzue, lasai! Gu arduratuko gara jaialdiko dantzaldia post honetaz txertatzeaz.

Biharko ekitaldia zuen gustukoa izatea espero dugu!

Aspaldiko lagunok!

Fri, 16 Dec 2011 00:00:46 -0800

Kaixo guztioi,
Hilabete batzutako atzerapenarekin baina Irrintzi Dantza Taldeak 2011-2012 ikasturteko ongi etorria eman nahi die aurtengoan dantza taldera bildu diren kide berrie, baita azken urteetan gurekin euskal dantzez gozatzen duten lagun guztiei.
Gogoratu, entseguak astero dira, larunbatero, arratsaldek0 15:45etan hasi eta 16:45ak bitartean bilduko gara, Urretxuko Garaialde Lizeoko Gimnasioan (monitoreekin beste ordutegi bat hitzartu ezean)
ONGI ETORRI Irrintziren ikasturte berrira lagunok!

Jaialdia larunbatean izan zen!

Mon, 18 Apr 2011 12:57:27 -0800

Gehienok jakingo duzuen bezala, larunbatean urteroko jaialdia ospatu genuen. Eskerrak eman nahi dizkizuegu bertara gerturatu zineten guztioi eta baita bertan aritu ziren musikariei ere. Aurtengoan Irrintziren jaialdian musika eta kantua bereziki nabarmendu nahi izan ditugu (dantzaz gain noski!) eta uste dugu lortu genuela.

Horrez gain, kartel lehiaketako irabazlea saritu genuen, Amaia Inza. Hona hemen bere kartela, herrian zehar ikusiko zenutena. Mikel Urteagak berriz, aipamen berezia jaso zuen.

Amaitzeko, hemen azpian dituzue Gotzon Aranburuk jaialdian ateratako bideoak. Espero dugu gustuko izango dituzuela eta eskerrikasko Gotzon bideoengatik.

Jaialdiko kartel lehiaketa abian da jada!

Sat, 29 Jan 2011 17:34:12 -0800

Urtero bezala, aurten ere dantza jaialdia ospatuko dugu. Data finkatuta dago eta apirilaren 16an izango da, zelai-arizti aretoan. Aurreko urteko iniziatiba jarraituz, jaialdiko kartela zuek egitea nahi dugu, eta horretarako lehiaketa bat antolatu dugu. Hona hemen lehiaketaren oinarriak eta blog atal honen eskuinaldeko aldean informazio gehiago duzue:

Aurten, apirilaren 16an ospatuko den Jaialdiko irudiaren egilearen bila gabiltza. Zure irudia kartelean ikusi eta sari bat irabazi nahi baduzu hartzazu parte gure lehiaketan. Irrintzi dantza taldean zuzenean ala zeharka parte hartzen duen edonork har dezake parte lehiaketan.
Ekarri zure proposamena (marrazkia,argazkia, irudia,…) paperean larunbateko entsaio batera edota bertsio digitalean badaukazu, bidali iezaguzu honako helbidera, irrintzidantzataldea@gmail.com 2011ko martxoaren 31a baina lehen.

Anima zaitez eta bidali zure proposamena!

A través de esta iniciativa, pretendemos buscar el creador del cartel del Jaialdi que este año se celebrará el 16 de abril. Si te gustaría ver tu dibujo en el cartel del Jaialdi y ganar un premio, participa en nuestro concurso.
Puede participar todo aquel que participe di-recta o indirectamente en el grupo de baile Irrintzi
Haznos llegar tu propuesta (dibujo, foto, figura,…) en formato papel a los ensayos o envíanosla por correo a la siguiente dirección irrintzidantzataldea@gmail.com antes del 31 de marzo del 2011.

¡Anímate y envíanos tu propuesta!

Larunbateko ensaioa (Urriak 23)

Tue, 19 Oct 2010 13:08:14 -0800

Larunbat honetan Lizeoko gimnasioa ezingo dugu ensaiorako erabili, beraz, umeen ensaioa La Salle ikastetxeko gimnasioan egingo dugu. Bertara sartzeko, urdaneta kaleko atetik sartu behar da, mapan gezi berdeak seinalatzen duen tokian.

2010-2011 kurtsoa

Thu, 14 Oct 2010 15:12:17 -0800

Kaixo denoi berriro ere. Gehienok jakingo duzuen bezala Irrintziko kurtso berria irailan hasia da. Zuen umeak dantzara ekarri nahi badituzu edo zeuk dantzan hasi nahi baduzu eta oraindik egin ez baduzu, garaiz zabiltza. Larunbatean lizeoko gimnasiora etorri besterik ez duzu egin behar; 15:45etan umeen ensaioa hasiko da (ordubeteko iraupenarekin) eta helduena berriz 16:45etan izango da leku berdinean. ANIMATU!!!

Horrez gain, jakinarazten dugu egutegia eguneratu dugula abendurarteko ensaio eta aktuazio datekin. Edozein azken momentuko aldaketa bertan argitaratuko dugu, beraz noizean behin ikustalditxo bat ematea ez legoke gaizki!

Bideo Berriak!

Thu, 07 Oct 2010 14:56:23 -0800

Udako geldialditxo txikiaren ostean, lanean buru belarri jarri gara berriro ere. Hasteko bideo "berriak" jarri ditugu web-ean. Hiru bideo berri hauek 2006 urtekoak dira, Irrintzi Belgikan, Reuzegom Folk Festival-en egon zirenekoak.
Espero dugu atsegin izango dituzela!

First Post!

Sat, 29 Aug 2009 08:33:47 -0800

Gustura gelditu ginen jaialdiaren emaitzarekin

Urtero legez, jaialdian urtean zehar egindako lana erakutsi nahi eta urduritasuna nagusitzen da. Aurten ez da salbuespena izan, nerbioak dantzan eta korrika ibili gara urtereko moduan baina tira, emaitzarekin gustura gelditu ginen. Emaitza, Otamotzeko Gotzon Aranburuk jasotako bideoan ikus dezakezu. Bota begiratu bat eta eman zure iritzia!

ZATOZ IRRINTZI DANTZA TALDEAREN JAIALDIA IKUSTERA!

Eguna: Apirilaren 17a larunbata
Ordua: 19:30
Lekua: Zelai Arizti aretoa

Sarrera doanekoa da baina aforoa dela eta txartela hartu beharko da Zelai Arizti aretoko leihatilan, 18:30etatik aurrera (pertsonako 4 txartel gehienez)

Zuek osatu duzue aurtengo Jaialdiko kartela
Urte berriarekin batera iragarri genuen Irrintzi dantza taldearen 2010.eko jaildirako kartel lehiaketa antolatzeko asmoa genuela. Dagoeneko iritsi zaigu apirila eta datorren astean bertan, apirilaren 17an, egingo dugu jaialdia, Zelai Arizti aretoan, 19:30ean hasita. Beraz, heldu zaigu kartel lehiaketaren epaiaren berri emateko garaia ere. Lanen maila ikusita, guztiak saritzea erabaki dugu, eta partehartzaile guztien irudiekin collagea egin dugu datorren asteko emanaldia iragartzeko. Eskerrak eman nahi dizkizuegu, beraz, kartel lehiaketan parte hartu duzuen guztioi eta apirilaren 17ko Jaialdian bertan jasoko duzue guztiok dagokizuen saria Zelai Arizti aretoan."

Zapiak, gerrikoak eta abarkak nola jarri?

Denontzat ere oso erabilgarria izan daitekeen bideo bat topatu dugu interneten. Bota begiratu bat eta ea zer iruditzen zaizuen!
Irailaren 12an, Euskal Jaiaren inguruan antolatu zen azokan guk, zapia jartzeko erabili ohi dugun modua jendeari erakusten ahalegindu ginen. Bertan egon ahal izan ez zinetenentzat eta egon zinetenentzat, hona hemen baserritarrez elegante nola jantzi erakutsiko dizuen bideo interesgarri bat.